Piit

Pinitpit.
Inipit.
Pinilipit.
Damang-dama ang sakit.
Malulungkot na awit.
Pangalang hindi mabanggit.
Kapalarang kay pait.
Sana ika’y lumapit.
Narito’t nakakapit.
Nagtitiis sa kapirasong kawit.
Hampas ng hangin, hagupit.
Bulong sa taingang kay kulit.
Nagliliparang bubuwit.
Humihinging kahit saglit,
Sa oras mo’y makakupit.
Kahit sarili’y magipit.
Limutin ka mang pilit.
Damdami’y patuloy nag-iinit.
Gusto ko pa sanang maulit.
Ngunit…
Subalit…
Puso mo’y nakapiit.