Inbisibol
Nobyembre 1st, 2010 § Mag-iwan ng Puna
Hindi marinig, anuman ang sabihin.
Hindi makita, anuman ang gawin.
Tila bulag sila’t hindi mapansin,
Hindi makuha ang nais iparating.
Siguro ay naging desperado,
Sa pagpapadama ng totoo.
Kaya sarili ngayon’y naglaho,
Daan-daanan na lang ng mga tao.
Sa kantang Mr Cellophane ay nabanggit
Sa kapwa itong tao’y may hinanakit
Hindi pansinin anumang pilit
Mga mata nila’y laging pikit
Dama ko ang iyong nadarama
Na minsan kinakalimutan ng iba
Kaya ako’y bihira magsaya
Laging inbisibol, laging mag-isa.
