Ang Maya
Disyembre 21st, 2010 § Mag-iwan ng Puna
Ang maya’y takot sa lupang linapagan
Walang kilala at isang dayuhan
Ngunit nakatagpo ng bagong kaibigan
Kapwa maya mula sa ibang bayan
Maya’y sa kapwa nagtiwala
Na ‘di pakakain sa buwitre o buwaya
Naging malapit sa isa’t isa
Ito dalawang ibong maya
Nagpalitan ng kanilang karanasan
Ang una’y sa paglaot sa karagatan
Ang huli’y sa paggalugad ng kagubatan
Habang sabay na lumilipad sa kalangitan
Ibong maya, dayuhan ma’y masaya
Hindi na siya nangungulila
Sa bawat oras ay laging may kasama
Ang bagong kaibigan, ang kapwa maya
‘Di naglao’y kapwa maya’y pumanaw
Sabay sa paglubog ni Haring Araw
Mayang hindi na gumagalaw
Maglaho dito sa mundo’y ayaw
Sa huli itong maya’y nawala na rin
Walang nakakaalam sinumang tanungin
Sigurado isa lang ang sasagutin
Dalawang maya’y ngayon magkapiling
