Alphex

Dahil galing probinsya, naging mailap ang tadhana
Anumang paraan ang gawin, ganoon at ganoon pa rin.
At kahit pag-asa ay nasilayan, lagi’t lagi’y may hadlang
Ganito ba talaga ang buhay? Tangka’y walang saysay.

Pinagkait na nga ang ginhawa, pati pangarap ninakaw pa.
Dahil ba kaduda-duda? O dahil wala lang tiwala?
Magandang pamumuhay ang naisin, sa ibang bayan kakamtin.
Lahat kayang ibigay: pera, oras; pero laging sablay.

Oras na bang sumuko? Pakawalan ang pangarap na ito
O patuloy lang ang paglaban hanggang ito’y makamtan?
Maraming taong umaasa, di kakayaning biguin sila.
Kung kaya nananatili ako, sana bukas ay makasakay na ng eroplano.